Тензиите растат: Танкерите се повлекуваат од Ормутскиот теснец

Сообраќајот низ Ормутскиот теснец и натаму е сериозно нарушен, откако два танкера со течен нафтен гас се повлекле при обид да го напуштат Персискиот Залив.

— реклама —

Според податоците од системите за следење на бродови, станува збор за пловилата „Меда“ и „Г Самер“, кои биле единствените со активни транспонтери што денеска се обиделе да минат низ теснецот. Двата брода, сепак, се свртеле и ја промениле насоката јужно од иранскиот остров Ларак.

— реклама —

„Меда“ е во индиска сопственост и управување и испловила од сидриште кај Обединетите Арапски Емирати, додека „Г Самер“, во кинеска сопственост, тргнал од Кувајт.

— реклама —

Во меѓувреме, не се регистрирани други бродови што се обиделе да го поминат теснецот во кој било правец, откако Иранската револуционерна гарда објави дека пловниот пат повторно е затворен за сообраќај.

— реклама —

Ситуацијата дополнително ги зголемува стравувањата за глобалниот енергетски пазар, имајќи предвид дека преку Ормутскиот теснец минува значителен дел од светската трговија со нафта и гас.