Тешко повреден 64-годишен мопедист во сообраќајка во Прилеп

64-годишен жител на Прилеп се здобил со тешки телесни повреди во сообраќајна несреќа што се случила во градот.

— реклама —

Според информациите од МВР, несреќата била пријавена на 6 октомври во 14:00 часот во ОВР Прилеп. Се случила на крстосницата на улиците „Димо Наредникот“ и „Александар Македонски“, каде се судриле мопед „хамачи“ со прилепски регистарски ознаки, управуван од 64-годишниот З.М., и патничко возило „мерцедес“, управувано од 44-годишниот Љ.Г., двајцата од Прилеп.

— реклама —

— реклама —

Во несреќата тешки телесни повреди се здобил возачот на мопедот. Повредите биле констатирани во ЈЗУ „Борка Талески“ во Прилеп.

Увид на местото извршила увидна екипа од ОВР Прилеп.