Тешко повреден мотоциклист во сообраќајка на регионалниот пат Куманово-Свети Николе

49-годишен мотоциклист е тешко повреден во сообраќајна несреќа што се случила на регионалниот пат Куманово–Свети Николе, во населбата Перо Чичо.

— реклама —

Според МВР, несреќата била пријавена на 6 октомври околу 18:00 часот во СВР Куманово. Во неа учествувале патничко возило „сеат“ со кумановски регистарски ознаки, управувано од 29-годишната С.С. од Куманово, и мотоцикл со кумановски регистарски ознаки, управуван од 49-годишниот И.К., исто така од Куманово.

— реклама —

— реклама —

Во несреќата мотоциклистот се здобил со тешки телесни повреди, додека возачката на патничкото возило била повредена. Повредите кај С.С. биле констатирани во Општата болница во Куманово.

На местото на несреќата бил извршен увид од увидна екипа на СВР Куманово.