Тешко повредена 62-годишна жена откако ja удрил мотоцикл на крстосница во Скопје

Шеесет и двегодишна жена е тешко повредена откако во неа удрил мотоцикл на крстосница во Скопје. Во сообраќајната несреќа повреден е и мотоциклистот, информира Министерството за внатрешни работи.

— реклама —

Според информациите од МВР, несреќата била пријавена на 15 октомври 2026 година, околу 9:10 часот, а се случила на крстосницата меѓу улиците „Кирил и Методиј“ и „Народен фронт“.

— реклама —

Триесет и шестгодишниот С.С. од Скопје, управувајќи мотоцикл со скопски регистарски ознаки, удрил во 62-годишната Л.В., исто така од Скопје.

— реклама —

Во несреќата жената се здобила со тешки телесни повреди, додека мотоциклистот поминал со телесни повреди. Повредите биле констатирани во комплексот клиники „Мајка Тереза“ и во приватна болница во Скопје.

Увид на местото на несреќата извршила увидна екипа на СВР Скопје.