Тешка несреќа со параглајдер во битолско, повреден државјанин на САД

Американски државјанин се здобил со тешки телесни повреди при слетување со параглајдер во близина на индустриската зона Жабени, во атарот на битолското село Породин, соопшти Министерството за внатрешни работи.

— реклама —

Според информациите од МВР, случајот бил пријавен на 5 јули во 15:52 часот. При слетувањето, Ф.Б. (59) од САД се здобил со тешки телесни повреди.

— реклама —

— реклама —

Повредениот со возило на Итната медицинска помош бил пренесен во Клиничката болница во Битола, каде што му биле констатирани тешки телесни повреди.

— реклама —

Увид на местото на несреќата извршила увидна екипа на СВР Битола.