Тешка сообраќајка кај Крушево, една жена со тешки повреди

Тешка сообраќајна несреќа се случила на 3 мај 2026 година околу 13:09 часот на крстосницата меѓу селата Врбоец и Свето Митрани, информираат од МВР.

— реклама —

Во несреќата учествувале патничко возило „фиат пунто“ со крушевски регистарски ознаки, управувано од 52-годишен жител на село Врбоец, и патничко возило „фолксваген голф“, исто така со крушевски ознаки, управувано од 46-годишен жител на село Норово.

— реклама —

— реклама —

Од ударот, сопатничка во „фиат пунто“, 26-годишна жена, се здобила со тешки телесни повреди. Со телесни повреди се здобиле и возачот на истото возило, како и друга сопатничка, 19-годишна девојка од Врбоец, како и возачот на „фолксваген голф“. Повредите биле констатирани во Градската болница во Прилеп.

По наредба на јавен обвинител, увид на местото на несреќата извршила увидна екипа од ОВР Крушево.