Тешки повреди во Тетово: автомобил удрил во пешак, четирицикл излетал од патот

СВР Тетово информира дека на 28.04.2026 година се случиле две одделни сообраќајни несреќи на подрачјето на Тетово, при што има повредени лица.

— реклама —

— реклама —

Во првиот случај, во 08:55 часот на булеварот „Илинденска“ во Тетово, патничко возило „фолксваген пасат“ со тетовски регистарски ознаки, управувано од Б.Р. (54) од Тетово, удрило во пешакот А.К. (29) од Тетово. Пешакот се здобил со тешки телесни повреди, кои биле констатирани во Клиничката болница Тетово. По насока на јавен обвинител, бил извршен увид од увидна екипа на СВР Тетово.

— реклама —

Во вториот случај, во 16:10 часот на локалниот пат Шипковица–Бозовце, А.В. (20) од Тетово, управувајќи четирицикл со тетовски регистарски ознаки, изгубил контрола и излетал од патот. Во несреќата, возачот се здобил со тешки телесни повреди, додека неговиот сопатник А.А. (18) од село Ларце, тетовско, се здобил со телесни повреди. Повредите се констатирани во Ургентниот центар во Тетово. И во овој случај бил извршен увид од надлежните служби.