Тешко повреден 19-годишен мопедист во сообраќајка во Скопје

Деветнаесетгодишен мопедист се здобил со тешки телесни повреди во сообраќајна несреќа што се случила ноќеска на булеварот „Јане Сандански“ во Скопје.

— реклама —

Според информациите од Министерството за внатрешни работи, несреќата била пријавена на 26 јуни околу 00:20 часот, а во неа учествувале патничко возило „сеат“ со скопски регистарски ознаки, управувано од С.Т. (31) од Скопје, и мопед со скопски регистарски ознаки, управуван од А.С. (19) од Скопје.

— реклама —

— реклама —

Во несреќата, возачот на мопедот се здобил со тешки телесни повреди, кои биле констатирани во Комплексот клиники „Мајка Тереза“.

— реклама —

Увид на местото на настанот извршила увидна екипа од СВР Скопје.