Дваесет и едногодишен мопедист се здобил со тешки телесни повреди во сообраќајна несреќа што се случила вчера попладне на булеварот „Никола Карев“ во Скопје.
Како што информираат од Министерството за внатрешни работи, на 20 јуни околу 19:15 часот во СВР Скопје било пријавено дека на булеварот се случила сообраќајна несреќа помеѓу патничко возило „ауди“ со кумановски регистарски ознаки, управувано од Л.Х. (48) од Куманово, и мопед со скопски регистарски ознаки, управуван од Е.Т. (21) од скопското село Визбегово.
Во несреќата, мопедистот се здобил со тешки телесни повреди, кои биле констатирани во Јавната здравствена установа „Свети Наум Охридски“ во Скопје.
Увид на местото на несреќата извршила увидна екипа на СВР Скопје, а причините за сообраќајната несреќа се утврдуваат.
