Тешко повреден мотоциклист по судир со дипломатско возило во Карпош

Мотоциклист се здобил со тешки телесни повреди во сообраќајна незгода што вчера попладнето се случила на булеварот „Митрополит Теодосиј Гологанов“ во Скопје.

— реклама —

Според информациите од Министерството за внатрешни работи, несреќата била пријавена вчера во 16:23 часот од Итната медицинска помош.

— реклама —

„На булеварот ‘М.Т. Гологанов’, пред улицата ‘Лондонска’, се случила сообраќајна незгода помеѓу патничко возило ‘форд’ со дипломатски регистарски ознаки, управувано од Г.С. и мотоцикл ‘сузуки’ со скопски регистарски ознаки, управуван од Ф.Т. од Скопје“, соопшти МВР.

— реклама —

Во судирот, мотоциклистот се здобил со тешки телесни повреди, кои биле констатирани во Градската општа болница „Св. Наум Охридски“.

— реклама —

Полицијата извршила увид на местото на настанот, а се преземаат мерки за целосно расчистување на околностите под кои се случила незгодата.