Сериозна сообраќајна несреќа се случила во вторникот вечерта на улицата „Ѓорче Петров“ во Куманово, кога патничко возило „фолксваген голф“ со кумановски регистарски ознаки, управувано од 27-годишната Н.Т. од Куманово, удрило пешак.
Според информациите од Министерството за внатрешни работи, во несреќата тешки телесни повреди здобил 46-годишниот О.А. од селото Тромеѓа, кој веднаш бил пренесен во Општата болница во Куманово, каде лекарите ги констатирале повредите и му укажале медицинска помош.
На местото на несреќата увид извршила екипа од СВР Куманово, а надлежните служби работат на утврдување на причините и околностите под кои се случил настанот.
