Министерството за внатрешни работи соопшти дека на 11 мај околу 07:10 часот во СВР Скопје било пријавено дека на крстосницата меѓу улиците „Бранко Заревски“ и „Живко Фирфов“ во Скопје се случила сообраќајна несреќа.
Според информациите, патничко возило „фолксваген туран“ со скопски регистарски ознаки, управувано од Л.Т.М. (58) од Скопје, удрило во пешакот Ј.М. (79) од Скопје.
Во несреќата пешакот се здобил со тешки телесни повреди, констатирани во Комплекс клиники „Мајка Тереза“.
Увид на местото извршила увидна екипа на СВР Скопје.
