Тешко повреден велосипедист со сообраќајка со камион на патот Охрид-Кичево

Велосипедист од кичевското село Другово се здобил со тешки телесни повреди во сообраќајна несреќа што се случила синоќа на магистралниот пат Охрид–Кичево.

— реклама —

Според информациите од СВР Охрид, несреќата се случила на 19 јуни околу 21:30 часот во близина на селото Другово, кога товарно моторно возило „Ивеко“ со кичевски регистарски ознаки, управувано од В.А. (31) од Кичево, при разминување удрило во велосипед управуван од И.С. (52) од селото Другово.

— реклама —

— реклама —

По несреќата, повредениот велосипедист со возило на Итната медицинска помош бил пренесен во Општата болница во Кичево, каде што му биле констатирани тешки телесни повреди.

— реклама —

По насока на јавен обвинител, увид на местото на незгодата извршиле полициски екипи, а се работи на целосно расчистување на околностите под кои се случила несреќата.