Тешко повреден велосипедист во судир со автомобил кај Радуша

Шеесет и осумгодишен велосипедист од Скопје се здобил со тешки телесни повреди во сообраќајна несреќа што се случила на патот меѓу селата Радуша и Дворце, информира Министерството за внатрешни работи.

— реклама —

Според МВР, несреќата била пријавена на 5 јули околу 08:50 часот и се случила на местото викано „Сува Река“, на општинскиот пат од село Радуша кон село Дворце.

— реклама —

Во незгодата учествувале патничко возило „опел зафира“ со скопски регистарски ознаки, управувано од Е.Ј. (20) од село Дворце, како и двајца велосипедисти – К.Ш. (68) и А.Г. (61), двајцата од Скопје.

— реклама —

Во несреќата со тешки телесни повреди се здобил К.Ш., кои биле констатирани во Ургентниот центар при Комплексот клиники „Мајка Тереза“ во Скопје.

— реклама —

Увид на местото на настанот извршила увидна екипа на СВР Скопје.