Тешко повредена скопјанка откако во неа удрил мопед

На 10 јуни 2026 година, околу 17:00 часот, во СВР Скопје било пријавено дека на улицата „Лазар Трповски“ во Скопје се случила сообраќајна несреќа во која тешко е повредена 52-годишна жена.

— реклама —

Според информациите од Министерството за внатрешни работи, мопед „априлија“ со скопски регистарски ознаки, управуван од И.Ф. (23) од Скопје, удрил во 52-годишната Џ.Б., исто така од Скопје.

— реклама —

— реклама —

Во несреќата, Џ.Б. се здобила со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје, каде ѝ била укажана лекарска помош.

— реклама —

Увид на местото на настанот извршила увидна екипа од СВР Скопје, а се работи на утврдување на причините и околностите под кои се случила сообраќајната незгода.