Шеесет и двегодишна жена се здобила со тешки телесни повреди во сообраќајна несреќа што се случила вчера на локалниот пат меѓу селата Робово и Муртино во струмичко.
Како што информираат од Министерството за внатрешни работи, на 29 јуни во 13:30 часот во СВР Струмица било пријавено дека патничко возило „Опел корса“ со струмички регистарски ознаки, управувано од А.Т. (22) од Струмица, со место на живеење во село Мокриево, излетало од коловозот и удрило во пластеници сопственост на К.И. од село Муртино.
Во несреќата тешки телесни повреди добила сопатничката У.Т. (62) од село Мокриево, кои биле констатирани во Медицинскиот центар во Струмица.
Увид на местото на несреќата извршила увидна екипа на СВР Струмица.
