Тетовец силувал девојче: мајката со која бил во љубовна врска не пријавила

Полицијата уапси 58-годишен жител на тетовско село, осомничен дека извршил обљуба врз малолетничка, како и 37-годишната мајка на девојчето, која, и покрај тоа што била запознаена со случајот, не го пријавила во надлежните институции.

— реклама —

Од СВР Тетово информираат дека на 28 мај, околу 16:45 часот, 62-годишна жена пријавила дека нејзината малолетна внука била жртва на кривично дело од страна на 58-годишен маж од тетовско.

— реклама —

Според пријавеното, настанот се случил во декември 2024 година, кога тогаш 15-годишната девојка се враќала од Тетово со комбе управувано од осомничениот. Во текот на патувањето, тој наводно, со употреба на физичка сила, извршил обљуба врз малолетничката.

— реклама —

По одреден период, девојчето го раскажало настанот на својата 37-годишна мајка, која во тоа време била во љубовна врска со осомничениот. Сепак, таа не го пријавила случајот.

— реклама —

Двете лица се лишени од слобода и задржани во полициска станица, а за случајот е известен јавен обвинител. По целосното документирање на настанот, ќе бидат поднесени соодветни пријави.