Двајца возачи без дозвола приведени во Прилеп

Полициски службеници од ОВР Прилеп вчера лишиле од слобода две лица кои управувале возила без возачка дозвола.

Како што информира СВР Битола, на патниот правец Прилеп – Градско во 17:20 часот бил запрен патнички автомобил „рено“ со тетовски регистарски ознаки, управуван од С.И.(44) од селото Желино.

— реклама —

При контролата било утврдено дека возачот управувал без возачка дозвола, по што бил лишен од слобода.

Претходно, во 12:30 часот на улицата „Велко Јанкулоски Стариот“ во Прилеп, полициски службеници го привеле и К.Ф.(40) од Прилеп.

— реклама —

Тој управувал патничко возило „хјундаи“ со прилепски регистарски ознаки, а при контролата било констатирано дека не поседува возачка дозвола.

— реклама —

По документирање на случаите, против двајцата ќе следуваат соодветни поднесоци.