Тетовец приведен поради уцени и закани со остар предмет во угостителски објект

Полициски службеници од Полициското одделение Теарце го лишиле од слобода А.Б. (34) од тетовското село Слатино, поради сомнение дека уценувал сопственик на угостителски објект и неговиот син.

— реклама —

Според информациите од Министерството за внатрешни работи, приведувањето било извршено на 29 јуни во 20 часот, по претходна пријава од И.С., кој пријавил дека околу 15:30 часот во неговиот угостителски објект во селото, А.Б. ги уценувал него и неговиот син и од нив барал пари.

— реклама —

— реклама —

Подоцна, според пријавата, осомничениот со остар предмет му се заканувал на синот на пријавителот.

— реклама —

Од МВР информираат дека лицето е задржано во полициска станица и дека по целосно документирање на случајот ќе биде поднесена соодветна пријава.