Тетовец приведен: Возел нерегистриран возило без возачка дозвола

Четириесет и едногодишен жител на Тетово е лишен од слобода откако бил затекнат како управува автомобил без возачка дозвола и со истечена регистрација.

— реклама —

Како што соопшти СВР Тетово, на 8 јуни околу 11 часот, полициски службеници од Полициската станица за безбедност на патниот сообраќај Тетово, на крстосницата на улиците „Воденска“ и „Радован Цониќ“ запреле патничко возило „Фолксваген Голф“ со тетовски регистарски ознаки.

— реклама —

— реклама —

При контролата било утврдено дека возилото, сопственост на Ц.М., имало истечена регистрација повеќе од 30 дена, а било управувано од О.Б. (41) од Тетово, кој не поседувал возачка дозвола.

— реклама —

За случајот бил известен јавен обвинител, а по негови насоки возачот бил лишен од слобода поради сомнение за сторено кривично дело по член 297-А од Кривичниот законик. Возилото е привремено одземено, а по целосно документирање на случајот ќе следува соодветен поднесок.