Иран испрати предупредување дека Соединети Американски Држави се обидуваат да ја префрлат одговорноста за евентуален неуспех на преговорите врз Израел.
Според иранската новинска агенција Фарс, повикувајќи се на извор од владата во Техеран, и покрај одреден напредок во разговорите, постои обид да се создаде впечаток дека Израел е главната пречка во процесот.
Од Техеран тврдат дека ваквиот наратив има цел да ја ослободи американската администрација од одговорност доколку преговорите пропаднат.
Иран јасно порачува дека не го гледа Израел како одвоен актер, туку како дел од пошироката стратегија на Вашингтон, додавајќи дека во случај на неуспех, одговорноста ќе ја смета за американска.
Официјален Техеран, како што се наведува, целосно ги отфрла ваквите сценарија и обвинува за примена на двојни стандарди во текот на преговарачкиот процес.
