Техеран тврди дека се брани, но остава отворена врата за деескалација

Иран нема да си поставува „никакви ограничувања“ во правото да се брани од израелско-американските напади, изјави шефот на иранската дипломатија Абас Арагчи во разговор за ABC News.

— реклама —

„Се браниме, без оглед на цената, и не си поставуваме никакви ограничувања во одбраната и заштитата на нашиот народ. Никој не може да ни каже дека немаме право да се браниме“, изјави Арагчи. Тој нагласи дека, според Техеран, постои суштинска разлика меѓу, како што рече, „агресијата“ на САД и „одбранбените мерки“ што ги презема Иран.

— реклама —

— реклама —

Истовремено, иранскиот министер во телефонски разговор со својот омански колега Бадр Албусаиди посочил дека Техеран е отворен за сериозни напори насочени кон деескалација на состојбата, по нападите извршени од Израел и САД во текот на викендот. Информацијата ја објави Министерство за надворешни работи на Оман.

Оман има улога на посредник во разговорите меѓу САД и Иран поврзани со нуклеарната програма. Во меѓувреме, по нападите врз Иран, Техеран возврати со ракетни напади врз повеќе земји во регионот, особено каде што има американско воено присуство, што дополнително ја зголеми регионалната нестабилност.