Дваесет доброволни пожарникари од Битола биле активирани како поддршка во справувањето со пожарот во селото Лознани, соопшти директорот на Дирекцијата за заштита и спасување, Стојанче Ангелов.
Тој информираше дека попладнето бил активиран Тимот за брз одговор на ДЗС од Битола, составен од 20 доброволни пожарникари, со задача да им помогне на битолските пожарникари во заштитата на селото.
„Тимот помогна во одбраната на селото и сè уште работи на догаснувањето на остатоците од пожарот“, соопшти Ангелов во објава објавена рано утрово.
Тимот продолжува со активностите на терен за целосно локализирање на преостанатите жаришта.
