Шпанскиот тениски тренер Тони Надал се осврна на откажувањето на Карлос Алкарас од настапот на Вимблдон и го спореди со првиот светски рекет Јаник Синер.
Алкараз поради повреда на зглобот ќе го пропушти и Вимблдон, откако претходно се повлече и од сезоната на трева по Ролан Гарос.
„Јаник Синер не е толку брилијантен како Карлос Алкарас, но е поконстантен, има сè“, изјави Тони Надал.
Тој додаде дека отсуството на Алкараз природно ги зголемува шансите на останатите тенисери за освојување на титулата.
„Никој не е среќен поради повреда на колега, но кога вашиот ривал не настапува, нормално е шансите да ви се зголемат“, рече Надал.
Шпанецот посебно го пофали Синер за неговата форма и ментална стабилност.
„Ферер, Бердих, Дел Потро, Мари... Никогаш не престануваа да се борат против Ѓоковиќ, Федерер или Надал. Денес тоа малку се изгуби. Сè потешко е да се победи Синер и да го доведете во проблеми. Тоа што го прави е извонредно“, изјави Тони Надал.
Годинашниот Ролан Гарос ќе се одржи од 24 мај до 7 јуни.
