Товарен брод од Албанија се насукал и потонал кај Андрос – целиот екипаж спасен

Товарен брод под знаме на Вануату потонал откако се насукал северно од грчкиот остров Андрос, соопштија грчките власти. Инцидентот се случил кога пловилото удрило во карпест предел, по што добило сериозни оштетувања и за кратко време завршило под вода.

— реклама —

Според информациите од надлежните служби, бродот пловел од Албанија кон Украина и превезувал околу 8.000 тони сода. Во моментот на несреќата на пловилото имало девет члена екипаж – осум државјани на Турција и еден државјанин на Азербејџан.

— реклама —

Спасувачката акција ја координирала грчката крајбрежна стража. Две лица биле извлечени директно од морето, а останатите седум биле евакуирани од непристапна карпа со помош на спасувачки тимови, пловила што учествувале во операцијата и хеликоптер на военото воздухопловство.

— реклама —

Екипажот бил пренесен во пристаништето на Андрос, а првичните информации говорат дека сите спасени се во добра здравствена состојба.

— реклама —

Надлежните служби најавија истрага за да се утврдат точните околности и причините што довеле до насукувањето и потонувањето на бродот.