Трагедија во Косово: Убиена бремена жена, а нејзиниот сопруг се бори за живот – биле застрелани во нивната спална соба

Трагичен настан го потресе косовското село Кервасари во близина на Малишево, каде што 25-годишна бремена жена беше убиена, а нејзиниот 26-годишен сопруг тешко ранет во пукање.

— реклама —

Полицијата го добила случајот синоќа околу 23:20 часот, по што полициски екипи излегле на местото на настанот и во спалната соба го пронашле брачниот пар со прострелни рани. На местото било пронајдено и огнено оружје за кое се сомнева дека било употребено во пукањето.

„Случајот е пријавен во полицијата синоќа околу 23:20 часот, а по пристигнувањето на местото на настанот, полициските единици пронајдоа брачен пар ранет од огнено оружје во спалната соба“, изјавила Вљера Красниќи, портпаролка на косовската полиција за регионот Ѓаковица.

— реклама —

Жената им подлегнала на повредите пред да пристигнат медицинските екипи.

— реклама —

Од Ургентниот центар во Приштина соопштија дека околу 00:15 часот биле примени две лица од регионот на Малишево. Кај 25-годишната жена биле констатирани прострелни рани и таа пристигнала без знаци на живот.

Нејзиниот 26-годишен сопруг бил примен со прострелни рани и е задржан на лекување. Неговата здравствена состојба е оценета како многу сериозна.

Полициските и форензичките екипи извршиле увид на местото на настанот. Во рамки на истрагата бил запленет и еден револвер, а надлежните органи работат на утврдување на точните околности и мотивите за пукањето.