Во утринските часови на 2 август, околу 9:00 часот, во кратовското село Крилатица се случила трагична несреќа во која животот го загубил 61-годишниот Д.И. од село Куклица, соопшти Министерството за внатрешни работи.
Несреќата се случила кога тракторот што го управувал Д.И. се превртел, при што возачот починал на самото место. На местото на несреќата бил повикан јавен обвинител, а увид извршила екипа од ОВР Кратово.
Точните околности под кои дошло до несреќата се предмет на истрага.
