Тринаесетгодишно момче почина во болница од тешките повреди што ги добило при несреќа на натпреварување во прескокнување пречки со коњ во Ковилово, Србија.
Несреќата се случила за време на Отвореното првенство на Србија во прескокнување пречки. Момчето паднало од коњот, по што животното паднало врз него и му нанело тешки повреди.
Иако имало целосна заштитна опрема, момчето се здобило со сериозни повреди на главата. Веднаш било пренесено во Ургентниот центар, каде што лекарите се обиделе да му го спасат животот, но, и покрај напорите, починало од повредите.
Околностите под кои се случила несреќата дополнително се утврдуваат.
