Трагедија во училиште во Црешево: Почина 57-годишна вработена

Педесет и седумгодишна жена починала во основно училиште во селото Црешево, скопско, каде што била вработена, информираат од Министерството за внатрешни работи.

— реклама —

Според информациите, случајот бил пријавен на 9 јуни во 11:35 часот во СВР Скопје. На В.Ѓ. (57) ѝ се слошило додека се наоѓала на своето работно место во училиштето.

— реклама —

На местото пристигнала екипа на Итната медицинска помош, а лекар констатирал смрт без видливи траги на насилство.

— реклама —

По насоки на јавен обвинител, телото на починатата било предадено на обдукција, со цел да се утврдат точните причини за смртта.

— реклама —

Надлежните институции преземаат активности согласно законските процедури.