Трагедија во Уганда: Загинаа 20 ученици кога училишен автобус излета од патот

Најмалку 21 лице, меѓу кои 20 ученици од основно училиште и едно возрасно лице, загинаа во тешка сообраќајна несреќа со училишен автобус во источниот дел на Уганда.

— реклама —

Според информациите од локалната полиција, автобусот се враќал од училишен излет кога возачот, најверојатно, ја загубил контролата над возилото. Автобусот излетал од коловозот, удрил во голема карпа и се превртел.

— реклама —

Во несреќата се повредени уште три возрасни лица и повеќе деца, а точниот број на повредени сè уште не е соопштен.

Автобусот бил во сопственост на основното училиште „Кинг Дејвид“, кое се наоѓа во близина на главниот град Кампала. Според првичните информации, учениците се враќале од излет до водопадите Сипи во областа Капчорва.

— реклама —

Несреќата се случила околу 20 часот по локално време. Полицијата објави фотографија од целосно уништениот и превртен автобус и соопшти дека е започната истрага за утврдување на причините за трагедијата.

— реклама —