Трагичен крај на потрагата: Пронајдено телото на исчезнат 87-годишник покрај река во Пршовце

Тело на 87-годишен жител на тетовското село Пршовце било пронајдено покрај реката Бистрица, во атарот на селото, откако претходно бил пријавен за исчезнат. Лекар констатирал смрт, при што на телото не биле забележани видливи траги на насилство.

— реклама —

Според информациите од МВР, на 17 октомври во 12:30 часот, во Полициското одделение Теарце, Џ.А. (41) од Пршовце пријавил дека пронашол тело без знаци на живот покрај реката Бистрица.

— реклама —

Полициските службеници веднаш излегле на местото и утврдиле дека станува збор за Е.Е. (87) од истото село. Смртта била констатирана од лекар во 12:45 часот.

— реклама —

Осумдесет и седумгодишниот маж бил пријавен за исчезнат истиот ден, во 2 часот по полноќ, од неговиот син Џ.А. Според пријавата, Е.Е. во раните утрински часови на 16 октомври се оддалечил во непознат правец од семејниот дом во Пршовце.

На местото на настанот бил извршен увид во присуство на јавен обвинител од Основното јавно обвинителство Тетово, лекар по судска медицина и увидна екипа од СВР Тетово. Се преземаат мерки за целосно расчистување и документирање на случајот.