Педесетгодишен жител на велешкото село Бузалково се здобил со тешки телесни повреди откако трактор со приколка излетал од коловозот и удрил во ѕид од куќа во Велес.
Од Министерството за внатрешни работи информираат дека несреќата била пријавена на 30 јуни, околу 18:30 часот, на улицата „Сараевска“ во Велес.
Во несреќата учествувал трактор „ИМТ“ со приколка и велешки регистарски ознаки, управуван од С.И. (50) од село Бузалково, кој поради засега неутврдени причини излетал од улицата и удрил во ѕид од куќа.
Возачот се здобил со тешки телесни повреди, кои биле констатирани во Општата болница во Велес.
Увид на местото на несреќата извршила увидна екипа од СВР Велес.
