Во Полициско одделение Ростуше вчера било пријавено дека во селото Скудриње, на место викано „Мустана нива“, бил пронајден починат 67-годишниот М.С. од селото.
Како што информира СВР Тетово, според првичните информации, тој управувал трактор со приколка, при што изгубил контрола и возилото се превртело.
Од здобиените повреди мажот починал на местото на несреќата, а лекар констатирал смрт.
Увид извршила екипа од ОВР Гостивар, а по наредба на јавен обвинител телото на починатиот е предадено на обдукција.
