Американскиот претседател Доналд Трамп побара од Сенатот на САД што поскоро да гласа за предлог-законот со кој би се укинало сезонското поместување на часовникот, пренесуваат американските медиуми.
Трамп во објава на социјалната мрежа Truth Social порача дека Сенатот мора итно да се произнесе за прашањето и оцени дека повеќе дневна светлина во подоцнежните часови би било подобро, меѓу другото и за борбата против криминалот.
Предлог-законот веќе е усвоен во Претставничкиот дом со 308 гласа „за“ и 117 „против“. Со него се предвидува летното сметање на времето да стане трајно, односно часовникот повеќе да не се враќа еден час наназад секоја есен.
Трамп во средата изјави дека со години голем број Американци барале летното сметање на времето да стане трајно и го поздрави усвојувањето на законот во Претставничкиот дом.
Сега предлог-законот треба да помине и во Сенатот за да продолжи постапката за негово конечно усвојување.
