Трамп: Германија ни овозможува пристап до бази, не бараме нивни војници

Американскиот претседател Доналд Трамп го прими германскиот канцелар Фридрих Мерц во Белата куќа, изразувајќи благодарност за поддршката на Германија во американско-израелските воени операции против Иран.

— реклама —

На средбата со новинарите во Овалната соба, Трамп изјави дека Германија им помага на американските сили со тоа што овозможува пристап до одредени воени бази. Тој истакна дека САД не бараат германски војници да учествуваат во операциите.

— реклама —

„Тие ни дозволуваат да слетуваме во одредени области и ние го цениме тоа. Не бараме од нив да испратат свои сили“, рече Трамп.

Во своето обраќање тој направи и споредба со други европски сојузници. За британскиот премиер Кир Стармер изјави дека неговата почетна неподдршка за нападите врз Иран покажува дека „не е Винстон Черчил“, алудирајќи на легендарниот британски лидер од Втората светска војна.

— реклама —

Канцеларот Мерц истакна дека Германија и САД имаат заедничка позиција во однос на иранскиот режим. „Ние сме на иста страна кога станува збор за отстранување на овој ужасен режим во Иран“, изјави тој, додавајќи дека со Трамп разговарале и за војната во Украина, како и за трговските односи меѓу САД и Европската Унија.

Трамп оцени дека има добри односи со Германија, а особено со Мерц, кого го нарече „одличен лидер“. Според него, тоа претставува голема разлика во однос на односите што ги имал со поранешната германска канцеларка Ангела Меркел, со која, како што рече, имал несогласувања околу миграцијата и енергетската политика.