Американскиот претседател Доналд Трамп потврди дека новиот претседателски авион „Ер Форс Уан“, чија набавка ја финансира Катар, нема да го користи за враќање од Анкара, туку ќе биде испратен на турнеја низ американските воени бази во Европа.
Трамп изјави дека авионот ќе посети неколку бази каде што американските војници ќе можат одблизу да го разгледаат.
„Лета за Европа, во една од големите бази... за да можеме да им го покажеме на луѓето. Ќе посети неколку бази каде што војниците ќе го видат, бидејќи навистина е величествен“, рече американскиот претседател.
Тој додаде дека во Соединетите Американски Држави ќе се врати со сегашниот „Ер Форс Уан“.
„Ќе се вратиме дома на вообичаениот начин“, изјави Трамп.
Претходно најави дека стариот претседателски авион ќе слета во воздухопловната база „РАФ Милденхол“ во Велика Британија, која во рамки на европската турнеја ќе ја посети и новиот авион.
