Трамп им се закани на Италија и Шпанија

Американскиот претседател Доналд Трамп најави дека размислува за повлекување на дел од американските воени сили од Шпанија и Италија, како и за можна ревизија на военото присуство во рамките на НАТО, поради нивното противење на американската политика во однос на конфликтот во Иран.

— реклама —

Тој во изјава за медиумите во Овалната соба ги критикуваше сојузниците, наведувајќи дека Шпанија и Италија не учествуваат доволно во заедничките напори поврзани со, како што рече, неутрализирање на иранската нуклеарна закана. Во истиот контекст, Трамп повторно ги нарече „т.н. сојузници“, изразувајќи незадоволство од нивната политика.

— реклама —

Според официјални податоци, во Германија и други европски земји се распоредени десетици илјади американски војници, а дел од тие сили се стационирани и во Италија и Шпанија. Сè уште не е прецизирано колкав би бил обемот на евентуалното намалување.

— реклама —

Американско-европските односи дополнително се оптоварени со разлики околу воените расходи во рамките на НАТО, каде што Вашингтон инсистира на значително зголемување на издвојувањата за одбрана. Шпанија, пак, останува на ставот дека ќе ги следи сопствените економски приоритети.

— реклама —

Сето ова доаѓа во момент кога глобалниот конфликт околу Иран предизвикува раст на цените на нафтата и дополнително ја усложнува безбедносната и економската ситуација на меѓународно ниво.