Трамп ја нарече „предавничка“ поранешната сојузничка Марџори

Американскиот претседател Доналд Трамп ја нарече „предавничка“ својата поранешна блиска сојузничка Марџори Тејлор Грин, продлабочувајќи го јавниот судир меѓу двајцата во пресрет на средбата со генералниот секретар на НАТО, Марк Руте.

Трамп на својата платформа се пофали со победата на кандидатот што го поддржал – Клеј Фулер, кој на вонредни избори го освоил конгресниот мандат во конзервативен округ во Џорџија.

— реклама —

„Местото на Марџори ‘предавничката’ Браун го презеде прекрасен и талентиран човек“, напиша Трамп, алудирајќи на Грин, додавајќи дека Фулер е „огромно подобрување“.

— реклама —

Иако Фулер победи, разликата на овие избори била значително помала од онаа што Трамп ја остварил во истиот округ на претседателските избори во 2024 година, што укажува на промени во расположението на гласачите.

Судирот ескалираше откако Грин реагираше на изјавите на Трамп за Иран, повикувајќи се на 25-тиот амандман од американскиот Устав.

— реклама —

„Не можеме да уништиме цела цивилизација. Тоа е зло и лудило“, напиша таа, барајќи негова смена.

По навредите, Грин возврати дека нејзиниот поранешен округ „никогаш не бил во опасност“ да премине кај демократите, обвинувајќи го Трамп дека ја претвора политиката „Америка на прво место“ во „Америка на последно место“.

Овој конфликт открива подлабоки пукнатини во редовите на движењето МАГА, кое досега важеше за силно обединето околу Трамп, но сè повеќе се соочува со внатрешни несогласувања околу надворешната политика и стратегијата.