Трамп: Медиумите кои шират „лажни вести“ не треба да имаат пристап до Белата куќа

Американскиот претседател Доналд Трамп повторно се спротивстави на известувањето на дел од медиумите, барајќи тие да немаат пристап до Белата куќа.

— реклама —

Трамп ги посочи Си-Ен-Ен, МС Нау и „Политико“, обвинувајќи ги за, како што ги нарече, „лажни вести“. Според него, нивното известување за него со години е речиси целосно негативно.

— реклама —

— реклама —

„Зошто на сторителите на лажни вести, како Си-Ен-Ен и МСДНЦ, треба да им биде дозволен пристап до едно толку свето место како Белата куќа? И покрај мојата голема изборна победа, речиси 100 отсто од известувањето за ‘Трамп’ е негативно, и тоа трае со години“, напиша Трамп на својата социјална мрежа „Трут соушл“.

Тој повторно побара ограничување на пристапот на медиумите кои ги нарекува „лажни вести“ до Белата куќа, оценувајќи дека таквиот начин на известување „трае предолго“ и предизвикува „огромна штета“ за САД.