Трамп му се закани на Мексико со двојно повисоки царини ако не ги запре мигрантите

Американскиот претседател Доналд Трамп се закани дека веднаш ќе ги удвои царините за мексиканските производи доколку Мексико не ги запре големите групи мигранти кои, според неговите тврдења, се движат кон границата со САД.

— реклама —

Во објава на социјалната мрежа „Truth Social“, Трамп оцени дека по изборниот пораз на републиканците на конгресните избори повторно се случува, како што ја нарече, „инвазија“ на САД.

Тој тврди дека во Мексико се формираат големи мигрантски каравани кои се движат кон американската граница, обвинувајќи дека меѓу нив има луѓе кои другите држави не сакаат да ги примат.

— реклама —

„Мексико мора веднаш да ги запре, а доколку не го направи тоа, царините за мексиканските производи веднаш ќе бидат двојно зголемени“, порача Трамп.

— реклама —

Американскиот претседател наведе дека за неговото барање се известени мексиканските власти, гувернерот на Тексас, американската Гранична патрола и Службата за имиграција и царина (ICE). Притоа, тој го спомена и новиот гувернер на Тексас, кого го опиша како „многу либерален“.

Трамп не приложи докази за тврдењата за мигрантските каравани ниту прецизираше на кои постојни царини би се однесувало најавеното двојно зголемување.

— реклама —