Американскиот претседател Доналд Трамп изјави дека нафтата од неодамна постигнатиот договор со Венецуела ќе се користи за надополнување на намалените американски стратешки резерви на нафта.
Трамп преку социјалните мрежи најави дека процесот на повторно полнење на резервите наскоро ќе започне, опишувајќи ја венецуелската нафта како „подарок од Венецуела за американскиот народ“.
Сепак, засега не е јасно колку брзо договорот со Венецуела би можел да обезбеди дополнителна нафта за стратешките резерви или да донесе краткорочна корист за американските возачи.
Договорот, кој Трамп го најави во петокот, има цел да помогне во обновувањето на венецуелската нафтена индустрија, но пред зголемувањето на производството ќе бидат потребни значителни инвестиции и инфраструктурни работи.
Во американските стратешки резерви на 21 август имало околу 290 милиони барели нафта, што е близу до најниското ниво во последните 44 години. САД ги намалувале резервите во изминатиот период како одговор на нарушувањата во глобалното снабдување, меѓу другото поради војната во Украина и конфликтот со Иран.
