Трамп најави блокада на Орумскиот теснец

По неуспешните преговори меѓу САД и Иран во Исламабад, американскиот претседател Доналд Трамп најави блокада на Ормускиот теснец и упати остри обвинувања кон Техеран поради нуклеарната програма.

— реклама —

Во објава на социјалната мрежа Truth Social, Трамп наведе дека разговорите завршиле без договор за клучното прашање – нуклеарната програма на Иран. Тој најави дека американската морнарица ќе започне со процес на блокада на сите бродови што се обидуваат да влезат или да излезат од теснецот.

— реклама —

Трамп истакна дека наредил пресретнување на бродови кои плаќаат такси на Иран и најави отстранување на мини од поморскиот премин, предупредувајќи на силен одговор доколку дојде до напади.

— реклама —

Во втора објава, тој го обвини Иран дека не го исполнил ветувањето за отворање на теснецот, додавајќи дека и покрај долготрајните разговори, Техеран останал цврст во својата позиција.

— реклама —

Трамп ја повтори и својата долгогодишна порака дека Иран не смее да поседува нуклеарно оружје, нагласувајќи дека блокадата наскоро ќе започне и дека во неа ќе се вклучат и други земји.