Американскиот претседател Доналд Трамп изјави дека претставници на САД разговарале преку посредници за можностите за завршување на војната со Иран, притоа најавувајќи дека исходот, според него, ќе биде постигнат многу брзо.
„Ќе победиме. Ако мене ме прашувате, тоа ќе биде постигнато на еден или друг начин. Сè ќе се случи многу брзо“, изјави Трамп.
Разговорите меѓу претставници на САД и Иран, преку посредници, се одржале вчера, со цел да се најде начин за завршување на седуммесечната војна. Вашингтон и Техеран претходно, во април и во јуни, двапати договориле прекин на огнот во рамки на индиректните мировни преговори.
Новите разговори се одржаа и покрај тоа што Трамп претходно го одби иранскиот предлог за седумдневно примирје. Планот предвидуваше прекин на судирите во Иран и Либан, одмрзнување на ирански имот во вредност од милијарда долари, укинување на санкциите за иранската нафта и прекин на американската поморска блокада на иранските пристаништа.
Според предлогот, по овие чекори Иран би го одблокирал Ормускиот Теснец, по што би следеле разговори за иранската нуклеарна програма.
