Трамп најави нови воздушни напади врз Иран

Американскиот претседател Доналд Трамп денеска изјави дека САД најверојатно ќе извршат нови воздушни напади врз Иран, само неколку часа откако оцени дека прекинот на огнот практично е завршен поради иранските напади врз американски воени цели во Персискиот Залив.

— реклама —

„Синоќа силно ги погодивме. Веројатно и вечерва силно ќе ги погодиме“, изјави Трамп во Анкара, каде што присуствува на самитот на НАТО.

Тој повторно го обвини Иран за нападите врз трговските бродови во Ормускиот теснец, тврдејќи дека американските воздушни напади се одговор на тие активности.

— реклама —

„Се однесуваат многу лошо“, рече Трамп, обвинувајќи го Техеран дека со беспилотни летала и ракети напаѓа бродови во теснецот.

— реклама —

Според неговите тврдења, по нападите врз три танкери, САД започнале воздушни напади, по што Иран одговорил со напади врз американски воени цели во регионот.

Трамп повторно се закани дека САД би можеле да ја нападнат иранската цивилна инфраструктура, вклучително и електрани, постројки за десалинизација и островот Карг, каде што се наоѓа најголемиот дел од нафтената инфраструктура на Иран.

— реклама —

Воедно, тој оцени дека претходниот договор за прекин на огнот сега е „завршен“, но додаде дека сепак ќе им дозволи на преговарачите да продолжат со дипломатските разговори.