Трамп: Не брзам да ја завршам војната со Иран, имаме многу оружје

Американскиот претседател Доналд Трамп изјави дека нема причина за загриженост околу резервите на оружје на американската армија и порача дека САД и натаму располагаат со големи количини вооружување.

— реклама —

„Она што го искористивме е кикирики. Имаме многу оружје со среден дострел“, изјави Трамп за „Фокс њуз“, откако претходно некои аналитичари предупредија дека САД од почетокот на август искористиле повеќе од половина од залихите на одредени системи на оружје во војната со Иран.

Говорејќи за можноста за мировни преговори со Иран, Трамп откри дека постои директен канал за комуникација со Иранската револуционерна гарда (IRGC), но нагласи дека не брза да го заврши конфликтот.

— реклама —

„Тие се добри играчи на покер, но гинат. Немам временски распоред. Не брзам“, рече Трамп.

— реклама —

Американскиот претседател го повика Иран да истакне „бело знаме“ и веднаш да го прекине конфликтот со САД, порачајќи дека Техеран не може да смета на победа.

Трамп исто така изјави дека не е загрижен за можното влијание на војната со Иран врз претстојните среднорочни избори во САД.

Во својата изјава тој упати и предупредување кон Оман, кој преговарал со Иран за договор поврзан со пловидбата низ Ормускиот Теснец. Трамп рече дека САД би го бомбардирале Оман доколку земјата застане на патот на американските интереси.