Трамп објави мапа на Ормускиот Теснец со порака: „Нова територија на САД“

Нова изјава на американскиот претседател Доналд Трамп предизвика реакции во врска со Ормускиот Теснец, откако тој на својата социјална мрежа „Truth Social“ објави мапа на стратешкиот поморски премин, со натпис дека означеното подрачје е „нова територија на САД“. Трамп не даде дополнително објаснување за значењето на објавата.

Објавата доаѓа во момент кога тензиите меѓу Вашингтон и Техеран повторно се зголемуваат околу статусот и безбедноста на Ормускиот Теснец. Иранскиот претседател на парламентот и главен преговарач, Мохамад Багер Калибаф, денеска изјави дека Техеран нема да го отвори Теснецот за поморскиот сообраќај додека САД не ги исполнат обврските што, според Иран, произлегуваат од меморандумот за разбирање постигнат меѓу двете страни.

— реклама —

Меѓу условите што ги наведе Калибаф се укинување на поморската блокада, ослободување на замрзнатиот ирански имот, укинување на санкциите за иранската нафта и прекин на воените закани и операции.

— реклама —

„Додека не се исполнат обврските што САД ги презедоа во меморандумот за разбирање, Теснецот нема да биде отворен“, изјави Калибаф, според извештаите од Техеран.

Во меѓувреме, иранскиот министер за надворешни работи, Сејед Абас Арагчи, изјави дека Иран и Оман продолжуваат со разговорите за воспоставување соодветна рута за безбедно минување на бродовите низ Ормускиот Теснец. Тој телефонски разговарал и со турскиот колега Хакан Фидан за билатералните односи и најновите регионални случувања.

— реклама —

Според Арагчи, Техеран е решен да продолжи со процесот на договор со Оман за безбедно одвивање на поморскиот сообраќај низ Теснецот.

— реклама —

Тензиите се поврзани со меморандумот за разбирање постигнат во јуни, кој требаше да создаде основа за пошироки преговори меѓу САД и Иран. Според достапните информации, документот предвидувал и отворање на Ормускиот Теснец, како и разговори за санкциите и иранската нуклеарна програма.