Трамп отвора нова опција: САД размислуваат да го контролираат Ормускиот теснец

Американскиот претседател Доналд Трамп изјави дека администрацијата во Вашингтон размислува за можноста Соединетите Американски Држави да преземат контрола над Ормускиот теснец, една од најважните светски поморски рути за транспорт на енергенси.

— реклама —

Во интервју за американската телевизија Си-Би-Ес њуз, Трамп рече дека теснецот во моментот е отворен за пловидба, но дека Белата куќа ја разгледува опцијата да воспостави контрола над овој стратешки морски премин.

— реклама —

„Ормускиот теснец во моментов е отворен, но размислуваме за тоа да го преземеме. Можеме таму да направиме многу“, изјави Трамп.

— реклама —

Ормускиот теснец претставува една од најкритичните светски енергетски рути, низ која поминува приближно една петтина од глобалните испораки на нафта.

Иран засега не го затворил преминот, но претходно предупреди дека ќе отвори оган кон сите американски или израелски танкери кои би се обиделе да поминат низ теснецот.