Трамп по изборниот пораз на републиканците: Ќе се вратиме посилни од кога било

Американскиот претседател Доналд Трамп ги оцени резултатите од последните меѓуизбори како голем историски чекор назад за САД, но порача дека неговата политичка страна ќе се врати посилна.

— реклама —

Трамп посочи дека и берзата, која за време на неговиот мандат ја опишуваше како „ракета“, забележала еднодневна загуба од три билиони долари.

— реклама —

„Но, не грижете се, ќе се вратиме, поголеми и посилни од кога било“, напиша тој на својата социјална мрежа Трут соушл.

— реклама —

На изборите за американскиот Конгрес, одржани на 3 ноември, демократите освоија мнозинство во двата дома. Во Претставничкиот дом добија 241 место, наспроти 162 за републиканците, додека во Сенатот освоија 54 места, а републиканците 44.

— реклама —

Демократските кандидати победиле и во 28 сојузни држави на изборите за гувернери, додека републиканците победиле во 20. Во споредба со претходните избори, демократите освоиле четири гувернерски места повеќе, а републиканците четири помалку.