Трамп по соборувањето на Ф-15: „Во војна сме“

Американскиот претседател Доналд Трамп изјави дека соборувањето на борбениот авион Ф-15 над Иран нема да влијае на разговорите со таа земја, бидејќи, како што рече, во тек е војна, пренесува NBC News.

— реклама —

Ова е прва изјава на Трамп по инцидентот, во кој еден пилот бил спасен, додека потрагата по вториот сè уште трае.

— реклама —

Трамп одби да ги коментира деталите за операцијата за пребарување и спасување што е во тек во Иран, но изрази незадоволство од медиумското известување за, како што ја нарече, интензивната и чувствителна воена операција.

„Не, никако. Тоа е војна. Ние сме во војна“, изјави Трамп на прашањето дали настаните ќе влијаат врз разговорите со Иран.

— реклама —

Во меѓувреме, иранската полузванична агенција Fars News Agency, повикувајќи се на неименуван извор, објави дека американскиот предлог за 48-часовен прекин на огнот бил одбиен.

Претходно оваа недела, иранскиот министер за надворешни работи Абас Арагчи изјави дека земјата ќе прифати само траен прекин на војната, а не привремено примирје.