Трамп почна да наплаќа пристап до своите објави на „Трут Соушл“

Компанијата „Трамп Медиа енд Технолоџи“, која управува со социјалната мрежа „Трут Соушл“, воведе нова услуга што на претплатниците им овозможува најбрз пристап до објавите на американскиот претседател Доналд Трамп, по цена од 100.000 долари месечно.

— реклама —

Услугата, наречена Truth API, е наменета пред сè за финансиски компании и трговци на Волстрит, кои сакаат да ги добиваат објавите за економската политика и глобалните настани веднаш штом ќе бидат објавени.

— реклама —

Потегот предизвика критики од експерти за етика и финансиски пазари, кои предупредуваат дека ваквиот пристап може да создаде неправедна предност за големите инвеститори и да отвори прашања за користење на јавната функција за приватна добивка.

— реклама —

Од компанијата ги отфрлаат обвинувањата, наведувајќи дека информациите ќе бидат истовремено достапни и за јавноста, а не само за претплатниците.

— реклама —

Според аналитичарите, објавите на Трамп редовно влијаат врз движењата на финансиските пазари, особено кога се однесуваат на царини, меѓународни конфликти или економски мерки, поради што новата услуга би можела да биде од голем интерес за инвеститорите.